--------------------------------------
Jena informero aperis en NUN:

Prelego pri Esperanto en instruejo de la angla

CCAA estas la plej granda lingvolernejo en Brazilo. En g'i estas instruataj
la angla kaj la hispana.

La 29an de Aprilo okazis c'e CCAA (urbo Mogi das Cruzes, s'tato San Pau'lo)
la evento "CCAA Open House". Temis pri prelegaro diverstema sed c'efe
rilatantaj la anglan kaj la hispanan.

Kadre de g'i jam la duan fojon Prof. Schiavinati, tie instruisto de la
angla, prezentis la prelegon "Kio estas Esperanto?" La unua parto de la
3-hora prelego estis fulma kurso tute en esperanto. Sekvis iom da historio,
filmetoj pri kongresoj, radio programoj ktp por montri la vivantecon de
esperanto.
La rezulto de la enketo farita post la prelego estis tre pozitiva. Kelkaj
ec' konfesis egan deziron eklerni la lingvon. Al c'iu alestanto (entute 19)
estis donacita lumdisko (KD) kun kurso kaj aliaj instruiloj. Se vi volas
kontakti la lernejon, la adreso estas mogi@....
La ttt-ejo estas http://www.ccaa.com.br/mogi

Raportis: Schiavinati <schiavinati@...>



----------------------------------
Renato Corsetti, Via del Castello, 1
IT-00036 Palestrina, Italujo
<renato.corsetti@...>
-----------------------------------